site stats
बाह्रखरी :: Baahrakhari
अर्थ व्यवसाय
Global Ime bankGlobal Ime bank
चालु खाता बचत र शोधनान्तर स्थिति घट्यो

काठमाडौं । चालु आर्थिक वर्ष २०८१/८२ पुस मसान्तसम्ममा सरकारको चालु खाता बचत र शोधनान्तर स्थिति घटेको छ । नेपाल राष्ट्र बैंकले जारी गरेको ‘देशको वर्तमान आर्थिक तथा वित्तीय स्थिति’ प्रतिवेदनअनुसार पुस मसान्तसम्म गत आर्थिक वर्षको सोही अवधिको तुलनामा चालु खाता १४ अर्ब ३९ करोड रुपैयाँले घटेको छ । शोधनान्तर स्थिति २४ अर्ब २६ करोड रुपैयाँले घटेको छ ।

चालु खाता पुस मसान्तसम्म एक खर्ब ४८ अर्ब १७ करोड रुपैयाँले बचतमा छ । गत आर्थिक वर्षको सोही अवधिमा चालु खाता एक खर्ब ६२ अर्ब ५६ करोड रुपैयाँले बचतमा रहेको थियो ।

त्यस्तै, पुस मसान्तसम्म शोधनान्तर स्थिति दुई खर्ब ४९ अर्ब २६ करोडले बचतमा छ । गत आर्थिक वर्षको पुस मसान्तसम्म शोधनान्तर स्थिति दुई खर्ब ७३ अर्ब ५२ करोड रुपैयाँले बचतमा रहेको थियो ।

चालु खाता घाटाले अरू देशहरूबाट खुद सापटी लिइएको भन्ने बुझिन्छ । चालु खाता बचतमा रहे अरू देशहरूलाई खुद सापटी दिइएको बुझिन्छ ।

चालु खाता घाटा सुधार हुँदै जानुले हाल नेपालले अरू देशहरूबाट लिएको खुद सापटी घटाउँदै गएको देखिन्छ ।

राष्ट्र बैंकका अनुसार, निश्चित समयावधिभित्र आवासीय र गैरआवासीय व्यक्ति–संस्थाबीच भएका आर्थिक तथा वित्तीय कारोबारको सारांश नै शोधनान्तर स्थिति हो ।

शोधनान्तर बचत भएमा बाह्य क्षेत्र कारोबारबाट विदेशी मुद्रा आप्रवाह बढ्छ । घाटा भएमा विदेशी मुद्रा देशबाट बाहिर बढी गएको बुझिन्छ ।

प्रकाशित मिति: आइतबार, माघ २०, २०८१  १८:०९
worldlinkworldlink
प्रतिक्रिया दिनुहोस्
MPG Admark South Asian UniversityMPG Admark South Asian University
Nepal Life Insurance banner adNepal Life Insurance banner ad
Ncell Side Bar LatestNcell Side Bar Latest
Bhatbhateni IslandBhatbhateni Island
सम्पादकीय
Hamro patroHamro patro