site stats
बाह्रखरी :: Baahrakhari
राजनीति
Global Ime bankGlobal Ime bank
जनतालाई ढाँट्ने काम नगर्नोस् : सञ्चारमन्त्री

काठमाडौं । सञ्चार एवं सूचना प्रविधिमन्त्री पृथ्वीसुब्बा गुरुङले यसअघिको सरकारले मुलुकलाई अस्तव्यस्त बनाउने काम गरेको बताएका छन् ।

आइतबार सिंहदरबारमा एक स्थानीय तह एक हुलाक कार्यालय स्थापना घोषणा कार्यक्रममा उनले यसअघिको सरकारका कारण हरेक क्षेत्रमा अस्तव्यस्त भएको भन्दै हाल त्यसलाई सुधार गर्न खोजिएको बताए ।

अत्यावश्यक क्षेत्रको छिटो सुधार गर्न सरकारले अध्यादेश ल्याउनुपरेको उनले जिकिर गरे ।

मन्त्री गुरुङले क्रान्तिकारी काम गर्न खोज्दा सरकारबाट हटाइयो भन्ने तर्क गरेर जनतालाई ढाँट्ने कार्य नगर्न सुझाव समेत दिए । “वाहियात कुराहरू किन गर्ने ? जनतालाई किन ढाँट्ने ? केही गरेकै छैन,” उनले भने ।

मुलुकको स्थायी सरकार कर्मचारीतन्त्र भए पनि यसमा नै सबैभन्दा बढी राजनीतिकरण भएकाले सरकारले ‘सिस्टम’ बनाउन खोजेको उनले बताए ।

सहकारी ठगी प्रक्रियामा संलग्न सबैलाई कारबाही गर्दै नियमन प्राधिकरण गठन गर्न सरकारले आवश्यक कानुन ल्याउन खोजेको उनको भनाइ थियो ।

नेपालको हुलाक क्षेत्रलाई राज्यले सधैँ उपेक्षा गरेको भन्दै उनले अब यसलाई आधुनिकीकरण गर्दै अघि बढाउने प्रतिबद्धता जनाए ।

मन्त्री गुरुङले जनसेवामुखी हुलाक बनाउन कर्मचारीहरूलाई निर्देशन समेत दिए । हिमालयन टेली भ्वाइस

प्रकाशित मिति: आइतबार, माघ १३, २०८१  १४:४३
worldlinkworldlink
प्रतिक्रिया दिनुहोस्
Nepal Life Insurance banner adNepal Life Insurance banner ad
Ncell Side Bar LatestNcell Side Bar Latest
Bhatbhateni IslandBhatbhateni Island
सम्पादकीय
सरकारले तत्काल सम्बोधन गरोस् !
सरकारले तत्काल सम्बोधन गरोस् !
Hamro patroHamro patro