सरकारको दाबी– सिमेन्टमा ७५ प्रतिशतसम्म मूल्य बढेको हल्लामा सत्यता छैन

अर्थ व्यवसाय

सरकारको दाबी– सिमेन्टमा ७५ प्रतिशतसम्म मूल्य बढेको हल्लामा सत्यता छैन

बुधबार, माघ ९, २०८१

सरकारको दाबी– सिमेन्टमा ७५ प्रतिशतसम्म मूल्य बढेको हल्लामा सत्यता छैन

काठमाडौं । उद्योग वाणिज्य तथा आपूर्तिमन्त्री दामोदर भण्डारीले सिमेन्टमा ५० देखि ७५ प्रतिशतसम्म मूल्य नबढेको बताएका छन् । बुधबार प्रतिनिधिसभा अन्तर्गतको सार्वजनिक लेखा समितिको बैठकमा मन्त्री भण्डारीले ४०० रुपैयाँको सिमेन्ट ८०० रुपैयाँ पुगेको दाबीमा सत्यता नरहेको बताएका हुन् ।

उनका अनुसार, ओपीसीको ६५० र पीपीसी ७५० रुपैयाँसम्म मूल्य छ । उनले ढुवानीमा पनि मूल्य नबढेको तर लोडसेडिङले उत्पादनमा कमी आएको बताए ।

"पछिल्लोपटक असार महिनामा निर्धारण भएको सिमेन्टको मूल्यमा थोरै वृद्धि गर्ने गरी निर्माण व्यवसायीले सहमति जनाएको अवस्था हो । उत्पादन, बजार अभावका विषयमा फुलफेजमा उत्पादन गरी उत्पादन लागतका आधारमा मूल्य समायोजन हुनेकुरा भइसकेको थियो । समितिले दिने निर्देशनअनुसार चाँडै टुग्याउँछौँ," उनले भने ।