काठमाडौं । यूईएफए च्याम्पियन्स लिगमा स्पेनिस क्लब बार्सिलोनाले पोर्चुगिज क्लब बेन्फिकाविरुद्ध ५–४ को रोमान्चक जित निकालेको छ ।
मंगलबार राति सम्पन्न खेलमा बार्सिलोनालाई जित दिलाउन रोबर्टो लेवान्डोवस्की र राफिन्हाले समान दुई गोल गरेका थिए । यस्तै, एरिक ग्रासियाले एक गोल थपे ।
घरेलु टोली बेन्फिकाको लागि ग्रिसका भान्गेलिस पाभ्लिदिसले ह्याट्रिक गरेका थिए । बार्सिलोनाका रोनाल्डो अराउहोले आत्मघाति गोल गरेका हुन् ।
खेलको दोस्रो मिनेटमा पाभ्लिदिसले गोल गर्दै घरेलु टोलीले बार्सिलोनालाई दबाबमा राखेको थियो । १३औँ मिनेटमा लेवान्डोवस्कीले पेनाल्टीमा गोल गर्दै बार्सिलोनालाई खेलमा फर्काएका थिए ।
२२औँ मिनेटमा पाभ्लिदिसले गोल गर्दै बेन्फिकालाई पुनः २–१ को अग्रतामा राखेका थिए ।
३०औँ मिनेटमा पहिलो पाभ्लिदिसले ह्याट्रिक गरेपछि बेन्फिकाले पहिलो हाफमा ३–१ को अग्रता बनाएको थियो ।
खेलको ६८औँ मिनेटसम्म ४–२ ले पछि परेको बार्सिलोनाले खेलमा उत्कृष्ट कमब्याक जित निकाल्यो ।
जितपछि बार्सिलोना च्याम्पियन्स लिगको दोस्रो स्थानमा उक्लिएको छ । ७ मध्ये पाँच खेल जितेको बार्सिलोनाको १६ अंक छ ।
शीर्ष स्थानको लिभरपुलको २१ अंक छ । ११ अंकसहित बेन्फिका १६औँ स्थानमा रह्यो ।
-1743849429.jpg)
