काठमाडौं । सल्यानमा दुई नाबालिका दिदीबहिनी मृत फेला परेका छन् । सल्यानको वनगाड कुपिण्डे नगरपालिका–११, सिस्नेपातलमा दिदीबहिनी मृत फेला परेका हुन् ।

उनीहरू तीन वर्ष र ६ महिनाका नाबालिका हुन् । मृतकका बुबा रोजगारीका लागि नुवाकोट र आमा पूर्णिमा राना भने घरमा नै थिए । घटना शंकास्पद देखिएपछि प्रहरीले थप अनुसन्धान अघि बढाएको जिल्ला प्रहरी कार्यालय सल्यानका प्रमुख डीएसपी केशरकुमार न्यौपानेले जानकारी दिए ।  

मृतक बालिकाको घाँटीका डाम देखिएको छ । अनुसन्धानमा खटिएका प्रहरीका अनुसार एक्लो घर भएको र अन्य व्यक्ति घरमा आउन सक्ने अवस्था देखिँदैन ।

प्रहरीले उनीहरूकै आमाको भूमिका शंकास्पद देखिएपछि पूर्णिमालाई अनुसन्धानका लागि नियन्त्रणमा लिएको छ ।