काठमाडौं । नेपाल बैंक र काठमाडौंको सिनामंगलमा रहेको क्रिस्टल डायग्नोस्टिकबीच छुट सम्झौता भएको छ । बैंकमा कार्यरत कर्मचारी र बैंकमा खाता रहेका ग्राहकहरूलाई उपचार गर्दा लाग्ने शुल्कमा १० देखि ३० प्रतिशतसम्म छुट प्रदान गर्नेसम्बन्धी सम्झौता भएको हो ।

सम्झौतापत्रमा बैंकको तर्फबाट सहायक प्रमुख कार्यकारी अधिकृत प्रकाशकुमार अधिकारी र क्रिस्टल डायग्नोस्टिकको तर्फबाट प्रबन्ध निर्देशक रवीन्द्र केसीले हस्ताक्षर गरेका हुन् ।

यसबाट नेपाल बैंकमा कार्यरत कर्मचारी र बैंकमा खाता भएका ग्राहकहरूले अस्पतालबाट प्रदान गरिने जनरल प्याथोलोजी टेस्ट, मोलेकुलर टेस्ट, आउटस्टान्डिङ टेस्ट, यूएसजी, इको, ईसीजी, एक्स–रे, पीएफटी, इन्डोस्कोपी, क्लोनोस्कोपी, आरटी–पीसीआर टेस्टलगायत स्वास्थ्य सेवामा छुट प्राप्त गर्न सक्नेछन् ।