काठमाडौं । नेपाल सरकारले चीनको स्वशासित क्षेत्र तिब्बतमा भूकम्पले गरेको जनधनको क्षतिप्रति दुःख व्यक्त गरेको छ ।

परराष्ट्र मन्त्रालयले सामाजिक सञ्जाल एक्समार्फत दुःख व्यक्त गरेको हो । “आज (मंगलबार) बिहान चीनमा गएको विनाशकारी भूकम्पको बारेमा थाहा पाउँदा हामी अत्यन्तै दुःखी भएका छौँ,” परराष्ट्र मन्त्रालयले भनेको छ ।

तिब्बतको दिंगी आसपास केन्द्रविन्दु भएर मंगलबार बिहान ६ बजेर ५० मिनेट (नेपाली समयमा ७ म्याग्निच्युडको भूकम्प गएको थियो ।

तिब्बत भूकम्पमा ज्यान गुमाउनेको संख्या ९५ नाघेको छ । १३० जना घाइते भएका छन् । खोज तथा उद्धार कार्य जारी रहेको छ ।

परराष्ट्र मन्त्रालयले भूकम्पका कारण भएको जनधनको क्षतिप्रति चीन सरकार र जनताप्रति समवेदना प्रकट गरेको छ । नेपाल सरकारको साथ भूकम्पका कारण प्रियजनहरू गुमाएका र प्रकोपबाट प्रभावितका साथमा रहेको परराष्ट्र मन्त्रालयले जनाएको छ ।