काठमाडौं । लिग लिडर लिभरपुलले इंग्लिस प्रिमियर लिगमा वेस्ट ह्यामविरुद्ध ५–० को जित निकालेको छ । आइतबार राति वेस्ट ह्यामकै मैदान लन्डन रंगशालामा लिभरपुललाई जित दिलाउन पाँच फरक खेलाडीले गोल गरे ।

खेलको ३०औँ मिनेटमा डियाजले गोल गर्दै लिभरपुललाई अग्रतामा राखेका थिए । ४०औँ मिनेटमा गाक्पोको गोलमा लिभरपुलले अग्रता दोब्बर बनायो । त्यसको चार मिनेटपछि सालाहले गोल गर्दा लिभरपुलले पहिलो हाफमै ३–० को अग्रता बनाएको थियो ।

५४औँ मिनेटमा ट्रेन्ट एलेसान्डर अर्नोल्डले लिभरपुलबाट चौथो गोल गरे । खेलको निर्धारित समय सकिन ६ मिनेट बाँकी रहँदा जोटाले पाहुना टिमको अग्रतालाई ५–० मा पुर्‍याएका थिए ।

जितसँगै १८ खेलबाट ४५ अंकसहित लिभरपुल तालिकाको शीर्ष स्थानमा छ । लिभपुरलले दोस्रो स्थानको नटिङ्घम फरेस्टसँग आठ अंकको स्पष्ट अग्रता बनाएको छ । १९ खेल खेलेको फरेस्टको ३७ अंक छ । १९ खेलबाटै २३ अंकको वेस्ट ह्याम भने १३औँ स्थानमा छ ।