काठमाडौं । काठमाडौंको गैरीगाउँस्थित आईएसएमटी कलेजद्वारा आयोजित ‘आईएसएमटी एक्स्पो’ सम्पन्न भएको छ । एक्स्पोमा उक्त कलेजमा अध्ययनरत विद्यार्थीले बनाएका रोबोट, गेमिङ, लाई डिटेक्टरलगायत २० प्रोजेक्टको प्रदर्शनी गरिएको थियो ।

विद्यार्थीलाई डिग्री मात्र उपलब्ध गराउने नभई सबल र सक्षम बनाउनुका साथै उनीहरूको क्षमता प्रदर्शन गर्ने उद्देश्यले एक्स्पोको आयोजना गरिएको कलेजले जनाएको छ ।

नेताहरू शशांक कोइराला, रामकुमारी झाँक्री, उदयशमशेर राणा, रमेश खरेल, ऋषि धमलालगायत व्यक्तिले उक्त एक्स्पोको अवलोकन गरेका थिए । विभिन्न कलेजका शिक्षक, कर्मचारी, विद्यार्थीलगायत चार हजारभन्दा बढी व्यक्तिले एक्स्पोको अवलोकन गरेको कलेजले जनाएको छ ।

आईएसएमटी ग्रुपले काठमाडौं, चितवन, पोखरा, विराटनगर र बुटवलमा पनि युनिभर्सिटी अफ सुन्दरल्यान्डकै सम्बन्धनमा कलेज सञ्चालन गरी बीबीए, बीएचएम, बीएससी, आईटीलगायत कार्यक्रम सञ्चालन गरिरहेको छ ।