काठमाडौं । नेपाल प्रिमियर लिग (एनपीएल)मा काठमाडौं गुर्खाजविरुद्ध लक्ष्य पछ्याइरहेको जनकपुर बोल्ट्सले पहिलो पावरप्लेमा खराब सुरुआत गरेको छ ।

बिहीबार कीर्तिपुरस्थित त्रिवि क्रिकेट मैदानमा काठमाडौंले दिएको १०२ रनको लक्ष्य पछ्याइरहेको जनकपुरले ६ ओभरको खेल सकिँदा दुई विकेट गुमाएर २४ रन बनाएको छ ।

जनकपुरबाट हाल क्रिजमा रहेका कप्तान अनिल साह र हर्ष थाकेर क्रमशः तीन र एक रनमा खेलिरहेका छन् ।

जनकपुरले लहिरु मिलान्थालाई १६ र आसिफ शेखलाई दुई रनको व्यक्तिगत स्कोरमा गुमाएको थियो । काठमाडौंका कप्तान करण केसीले नै दुवै विकेट लिए ।

त्यसअघि, टस जितेर ब्याटिङमा उत्रिएको काठमाडौंले १९.३ ओभरमा सबै विकेट गुमाएर १०१ रन बनाएको थियो ।