काठमाडौं । सामसङ नेपालले शक्तिशाली एआई सुविधा, सरलीकृत नियन्त्रण र भविष्यका स्केलेबल एआई इकोसिस्टम रहेको वान यूआई ७ बेटा प्रोग्राम सार्वजनिक भएको घोषणा गरेको छ । इन्टरफेसको प्रत्येक टच पोइन्टमा प्रमुख एआई एजेन्ट र मल्टिमोडल क्षमता एकीकृत गरी हरेक अन्तरक्रियालाई न्याचुरल र सहज महसुस हुने एआई प्लेटफर्मको सिर्जना गरेर वान यूआई ७ महत्त्वपूर्ण रहेको कम्पनीले जनाएको छ ।

पहिलेभन्दा बढी व्यक्तिगतताका लागि अपग्रेड गरिएको मोबाइल युजर एक्सपिरिएन्सको पहिलो झलक बेटा प्रोग्रामबाट अनुभव गर्न सकिने कम्पनीले जनाएको छ ।

वान यूआई ७ ले एडभन्सड लेखन सहायक टुल (राइटिङ असिस्ट टुल) जस्ता ग्यालेक्सी एआई फिचरमा बलियो अपडेट ल्याएको कम्पनीको भनाइ छ । यसमा वाक्य छनौटमा सहजता, कन्टेन्टको सारांस, हिज्जे र व्याकरण जाँचदेखि स्वचालितरूपमा बुलेट पोइन्ट राख्न एआईले नै विकल्प दिनेछ । वान यूआई ७ सँग अपग्रेड गरिएका कल सुविधाहरूले २० ओटा भाषाहरूमा कल ट्रान्सक्रिप्ट गर्न सकिने, कल रेकर्डिङ इनएबल गर्दा रेकर्ड गरिएका कलहरू स्वचालितरूपमा पछि सन्दर्भका लागि ट्रान्सक्राइब हुने जस्ता फिचर थपिएका छन् ।

वान यूआई ७ सँग डिभाइसको लक स्क्रिनबाटै धेरै काम गर्न सकिने सुविधा थपिएको छ । जसमा इन्टरप्रेटरे, संगीत, रेकर्डिङ, स्टपवाच जस्ता सुविधासँगै गतिविधि हाइलाइट गर्न सकिने नाउ बार पनि समावेश छ । महत्त्वपूर्ण सूचनामा तत्काल पहुँच प्रदान गर्दै नाउ बारले डिभाइसलाई निरन्तर अन्लक गर्ने झन्झभट कम गर्ने कम्पनीको भनाइ छ ।

आगामी ग्यालेक्सी एस सिरिजका डिभाइसहरूमा सपोर्ट हुने नाउ बारले लक स्क्रिन एक्सपिरिएन्सलाई रूपान्तरण गर्ने सामसङले जनाएको छ । यी फिचरमा आएका सबै अपग्रेड सरल, प्रभावशाली र भावनात्मकरूपमा डिजाइन गरिएको बताइएको छ ।

बोल्ड, प्रतिष्ठित डिजाइन विकल्पले परिभाषित वान यूआई ७ले भिजुअल अव्यवस्था घटाउने र प्रयोगकर्ताहरूसँग व्यक्तिगत स्तरमा प्रतिध्वनि गर्दै सहज मोबाइल अनुभव दिने दाबी सामसङको छ । पुनः डिजाइन गरिएको क्यामेरा युएक्स, सिम्प्लिफाई गरिएको होम स्क्रिन, पुनः डिजाइन गरिएको वान यूआई विजेटसँगै लक स्क्रिनका फिचरले यसलाई झनै रोमाञ्चक बनाएको कम्पनीको भनाइ छ ।

सन् २०२५ को पहिलो त्रैमासिकदेखि सार्वजनिक हुने ग्यालेक्सी एस सिरिजका डिभाइसहरूसँगै थप परस्कृत भएर वान यूआई ७ उपलब्ध हुने सामसङले जनाएको छ ।