काठमाडौं । नेपालमा डोंगफेंग ईभीहरूको आधिकारिक वितरक एमएडब्लू वृद्धिले मधेस प्रदेशको वीरगन्जमा आफ्नो प्रिमियम र स्मार्ट ईभी नामी सार्वजनिक गरेको छ ।

मंगलबार पूर्वप्रधानमन्त्री माधवकुमार नेपाल, एमएडब्लू वृद्धि मोटर्सका प्रबन्धनिर्देशक विवेक सिकारिया लगायतले नामी ईभीको अनावरण गरेको कम्पनीले बताएको छ ।

कम्पनीले आफ्नो सेग्मेन्टको सबैभन्दा लक्जरियस र इन्टेलिजेन्ट दाबी गरेको नामी ईभीले मधेस प्रदेशको बजारमा नयाँ बेन्चमार्क स्थापित गर्ने कम्पनीको भनाइ छ ।

ह्याचब्याकको रूपमा वर्गीकृत भए पनि गाडी अन्य ब्रान्डका प्रतिस्पर्धीको तुलनामा ठूलो रहेको कम्पनीले जनाएको छ । गाडीको लम्बाइ, चौडाइ र यसमा रहेको प्रविधि विशेष रहेको कम्पनीको भनाइ छ  ।

कार्यक्रमका प्रमुख अतिथि पूर्वप्रधानमन्त्री नेपालले विद्युतीय गाडीको भविष्य नेपालमा उज्ज्वल रहेको बताए । पछिल्लो परिवेशमा वातावरणमैत्री सवारीसाधनप्रतिको आकर्षण बढ्दै गएको स्वीकार गर्दै विद्युतीय सवारीसाधनको प्रयोगलाई बढवा दिनुपर्ने उनको भनाइ छ ।

कार्यक्रममा एमएडब्लू वृद्धिमोटर्सका डिलर प्रमुख गोभिन्द भुसालले नामी ईभीले देशव्यापी रूपमा ग्राहकहरूबाट व्यापक मान्यता र प्रशंसा पाइरहेको भन्दै कम्पनीले बिक्रीपछिको सेवालाई पनि उत्तिकै महत्त्व दिने बताए । “ग्राहकको सन्तुष्टि पहिलो प्राथमिकता हुनेछ,” उनले भने । 

यस्तै, एमएडब्लू वृद्धि मोटर्स र नारायणी अटोकर्पले वीरगन्जमा नयाँ शोरुमको उद्घाटन गर्ने तयारी गरेको छ । ग्राहकहरूलाई थप आकर्षित गर्न एमएडब्लू वृद्धिले मधेस प्रदेशको सबैभन्दा ठूलो एक्सचेन्ज र टेस्ट ड्राइभ क्याम्प मंसिर १९ गते बुधबारदेखि २१ गतेसम्म आयोजना गरिरहेको छ ।