काठमाडौं । नेपाल प्रिमियर लिग (एनपीएल)मा पोखरा एभेन्जर्सविरुद्ध चितवन राइनोजका रवि बोपाराले अर्धशतक बनाएका छन् । मंगलबार कीर्तिपुरस्थित त्रिवि क्रिकेटमा मैदानमा जारी खेलमा टस हारेर ब्याटिङमा आएको चितवनबाट बोपाराले ३६ बलमा अर्धशतक बनाएका हुन् । 

उनले यसक्रममा तीन चौका र तीन छक्का प्रहार गरे । योसँगै बोपारा एनपीएलमा अर्धशतक प्रहार गर्ने पाँचौँ ब्याटर बने । यसअघि विराटनगरका मार्टिन गप्टिल, जनकपुरका अनिल शाह र लहिरु मिलान्थासँगै सुदूरपश्चिम रोयल्सका दीपेन्द्रसिंह ऐरीले अर्धशतक बनाएका थिए । 

प्रतियोगितामा चितवनको यो दोस्रो खेल हो । चितवनले यसअघि आफ्नो पहिलो खेलमा काठमाडौं गुर्खाजविरुद्ध पाँच विकेटको जित निकालेको थियो । पोखराको भने प्रतियोगिताको पहिलो खेल हो । खेलमा चितवन कुशल मल्ल र पोखरा कुशल भुर्तेलको कप्तानीमा मैदानमा उत्रिएको छ । यी दुई कप्तान पनि राष्ट्रिय टिमका नियमित सदस्य हुन् ।