काठमाडौं । एभरेस्ट बैंक र नेपाल क्लियरिङ हाउस (एनसीएचएल)बीच अलिपेप्लसको नेटवर्कमा रहेका सदस्य वालेटमार्फत नेपालपे मर्चेन्टका क्यूआरमा अन्तरदेशीय भुक्तानी गर्ने सम्बन्धी सम्झौता भएको छ । सम्झौतामा बैंकका तर्फबाट प्रमुख कार्यकारी अधिकृत सुदेश खालिङ र एनसीएचएलका तर्फबाट प्रमुख कार्यकारी अधिकृत नीलेशमान सिंह प्रधानले हस्ताक्षर गरेका छन् ।

यससँगै नेपालपे क्यूआर तथा यसका इन्टरअपरेबल क्यूआरको मर्चेन्ट क्यूआरमा अलिपेप्लसको नेटवर्कमार्फत भुक्तानी गर्न सकिने भएको छ । अब चीन, हङकङ, सिंगापुर, मलेसिया, इन्डोनेसिया, फिलिपिन्स, मंगोलिया, थाइल्यान्ड, साउथ कोरिया, स्विडेन तथा इटलीलगायत देशबाट नेपाल आएका पर्यटकले आफ्नो डोमेस्टिक वालेटमार्फत नेपालमा रहेका नेपालपे क्यूआर तथा यसका इन्टरअपरेबल क्यूआरमा भुक्तानी गर्न सक्ने छन् ।

नेपालपेको क्यूआर नेटवर्कमा हाल आठलाख ५० हजारभन्दा बढी मर्चेन्ट आबद्ध छन् ।

अलिपेप्लसमा ६६ वटा विभिन्न ग्लोबल मार्केटअन्तर्गत ३० भन्दा बढी इसुइङ उपकरण, ३०० भन्दाबढी एक्वैरिङ नेटवर्क, दमद्दटड ९ करोडभन्दा बढी ग्लोबल मर्चेन्ट आबद्ध छन् । अलिपेप्लसको नेटवर्कमा अलिपे चाइना, ओसीबीसी, चांगीपे, जीक्यास, अलिपेएचके, हाइपे, काकाओपे, टसपे, नाभेरपे, टीएनजीडी, पीबीबी, ट्रुमनी, एमपे, टिनाबाबाट अन्तरदेशीय भुक्तानी गर्न सकिन्छ ।