काठमाडौं । श्रीमतीको हत्या गरी फरार रहेका आरोपी पक्राउ परेका छन् । पक्राउ पर्नेमा नुवाकोटको दुप्चेश्वर गाउँपालिका–७ का जितबहादुर भन्ने काले तामाङ छन् ।

तामाङलाई उपत्यका अपराध अनुसन्धान कार्यालयको टोलीले सोमबार भक्तपुरबाट पक्राउ गरेको हो ।

जितबहादुरकी श्रीमती डोल्मा शेर्पाको शव गएको वैशाख १९ मा दक्षिणकालीस्थित डेरामा फेला परेको थियो । श्रीमतीलाई कुटपिट गरी हत्या गरेर तामाङ फरार थिए ।

हत्या लगत्तै फरार तामाङको खोजी गर्दै जाँदा सोमबार फेला परेको कार्यालयका प्रवक्ता एसपी अंगुर जीसीले जानकारी दिए । तामाङलाई थप अनुसन्धानका लागि कीर्तिपुर प्रहरी वृत्त पठाइएको छ ।