काठमाडौं । राष्ट्रियसभाका अध्यक्ष नारायण दाहालले राष्ट्रपति रामचन्द्र पौडेलसँग भेटेर अन्तरव्यवस्थापिका संघको सम्मेलनमा भाग लिन स्विटजरल्यान्ड जाने जानकारी गराएका छन् । 

राष्ट्रपति भवन शीतलनिवास पुगेर शुक्रबार अध्यक्ष दाहालले स्विटजरल्यान्डमा हुने अन्तरव्यवस्थापिका संघको सम्मेलनमा सहभागी हुन नेपाली प्रतिनिधिमण्डलको नेतृत्व गर्दै यही २५ गते त्यसतर्फ जान लागेको जानकारी गराएका हुन् ।