काठमाडौं । सानिमा बैंकले ग्राहकलाई सूचना तथा प्रविधिमा आधारित रहेर सेवा प्रवाह गरेकामा आईएसओ २७००१ः२०२२ प्राप्त गरेको जनाएको छ । बैंकले विज्ञप्ति जारी गरी यसबारे जानकारी गराएको हो ।

ग्राहकका सूचना तथा तथ्यांकको सुरक्षा व्यवस्थापनलाई प्राथमिकता दिँदै आएको र प्रमाणीकरणले थप जिम्मेवार बनाएको विज्ञप्तिमा उल्लेख छ ।

बैंकले सूचना प्रणालीलाई अन्तर्राष्ट्रिय मान्यताप्राप्त मापदण्डका आधार व्यवस्थापन गर्दै आएको पनि उल्लेख छ । यो मूल्यांकन एएमटीआईभीओ समूहले गरेको बताइएको छ ।

सानिमा बैंकले अनलाइन बैंकिङ सेवासहित सातै प्रदेशमा १३३ कार्यालय र १२४ एटीएम नेटवर्कमार्फत सेवा दिँदै आएको छ ।