site stats
बाह्रखरी :: Baahrakhari
प्रविधि
Global Ime bankGlobal Ime bank
शाओमी रेड्मी १४ सी नेपाली बजारमा, यस्ता छन् १४ देखि २० हजार रुपैयाँ पर्ने तीन फोन 

काठमाडौं । शाओमीले रेड्मी १४ सी स्मार्टफोन नेपाली बजारमा सार्वजनिक गरेको छ । शक्तिशाली प्रदर्शन, अद्भुत डिस्प्ले, आकर्षक डिजाइन र अत्याधुनिक प्रविधिको संयोजनसहित ग्राहकलाई उत्कृष्ट अनुभव प्रदान गर्न रेड्मी १४ सी ल्याएको कम्पनीले जनाएको छ ।

फोनमा ६.८८ इन्चको डट ड्रप डिस्प्लेसहित १२० हर्ट्ज रिफ्रेस रेट छ । मिडियाटेक हेलियो जी ८१–अल्ट्रा प्रोसेसरद्वारा सञ्चालित यो स्मार्टफोनले सहज मल्टिटास्किङ र गेमिङ प्रदर्शन निश्चित गर्ने कम्पनीको भनाइ छ ।

आकर्षक तस्बिर र सेल्फीका निम्ति ५० मेगापिक्सेलको एआई डुअल क्यामेरा र १३ मेगापिक्सेलको फ्रन्ट क्यामेरा फोनमा उपलब्ध छ । १८ वाटको फास्ट चार्जिङ र अधिकतम आठ जीबी र्‍याम तथा २५६ जीबी स्टोरेजसहित ५१६० एमएएचको ब्याट्री फोनमा छ ।

शाओमी नेपालका कन्ट्री जनरल म्यानेजर मनु मनस्वीज्युले नेपालमा रेड्मी १४ सी ल्याउन पाएकामा खुसी व्यक्त गरेका छन् ।

मूल्य र फिचर
शक्तिशाली मिडियाटेक हेलियो जी ८१–अल्ट्रा प्रोसेसर रहेको फोन कोर्टेक्स–ए७५ र कोर्टेक्स–ए५५ कोरको विशेषता भएको अक्टा–कोर सीपीयू र माली–जी५२ एमसी २ जीपीयूसहित सहजै ग्राफिक ह्यान्डल गर्ने कम्पनीले जनाएको छ । रेड्मी १४ सीमा ६०० निट्स एचबीएमले अधिकतम उज्यालो र कम ब्लु लाइटमा पनि सहजै स्मार्टफोन चलाउन मद्दत पुग्ने कम्पनीको भनाइ छ ।

ब्राउजिङ, गेमिङ वा भिडियो हेर्नेका निम्ति फोनको ब्याट्रीले २२ घण्टासम्मको भिडियो प्लेब्याकलाई सपोर्ट गर्ने बताइएको छ ।

रेड्मी १४ सी मिडनाइट ब्ल्याक, ड्रिमी पर्पल र सेज ग्रीनका तीन रङमा उपलब्ध छ । फोनको चार जीबी र्‍याम र १२८ जीबी स्टोरेज भएको भेरियन्टको प्रतिमूल्य १३ हजार ९९९ रुपैयाँ कायम छ ।

यस्तै, ६ जीबी र्‍याम र १२८ जीबी स्टोरेज भएको भेरियन्टको मूल्य १५ हजार ९९९ रुपैयाँ तोकिएको छ । आठ जीबी र्‍याम तथा २५६ जीबी स्टोरेज भएको भेरियन्टको मूल्य १९ हजार ९९९ रुपैयाँ कायम छ ।

यही असोज ११ गतेदेखि नै यी फोन नेपालभरका सबै एमआई स्टोर र शाओमीका आधिकारिक रिटेल आउटलेटमा उपलब्ध भएको कम्पनीले जनाएको छ ।

प्रकाशित मिति: आइतबार, असोज १३, २०८१  १५:५९
worldlinkworldlink
प्रतिक्रिया दिनुहोस्
MPG Admark South Asian UniversityMPG Admark South Asian University
Nepal Life Insurance banner adNepal Life Insurance banner ad
Ncell Side Bar LatestNcell Side Bar Latest
Bhatbhateni IslandBhatbhateni Island
सम्पादकीय
Hamro patroHamro patro