काठमाडौं । देशका केही स्थानमा मंगलबार बिहान भारी वर्षा भएको छ । उदयपुरको सुन्दरपुर, बाराका रतनापुर, अमलेखगन्जमा भारी वर्षा भएको जल तथा मौसम विज्ञान विभागले जानकारी गराएको छ ।

उक्त क्षेत्र भई बहने बकैया नदीसहित अरू साना खोलामा जलसतह बढ्ने सम्भावना छ । नदीतटीय क्षेत्रमा सतर्कता अपनाउन विभागले आग्रह गरेको छ ।

“असोज ८, बिहान ८ः५० बजे । पछिल्लो तीन घण्टामा उदयपुरको सुन्दरपुर, बाराको रतनापुरी, अमलेखगन्ज र आसपासको क्षेत्रमा मध्यमदेखि भारी वर्षा मापन भएको छ । सो क्षेत्र भई बहने बकैया नदीलगायत अन्य स–साना खोलाहरूमा जलसतह बढ्ने रहेकाले नदीतटीय क्षेत्रमा रहनुहुनेहरूले सतर्कता अपनाईराखौँ,” विभागको सूचनामा उल्लेख छ ।