काठमाडौं । महालक्ष्मी विकास बैंकले ‘महालक्ष्मी साहित्य पुरस्कार २०८१’ साहित्यकार मुना अर्याललाई प्रदान गरेको छ ।

शनिबार आयोजित एक कार्यक्रमका बीच साहित्यकार अर्याललाई उक्त पुरस्कार बागमती प्रदेशका आन्तरिक मामिला तथा कानुनमन्त्री सुरजचन्द्र लामिछानेले प्रदान गरे । 

तत्कालिन यती फाइनान्स लिमिटेड (हाल महालक्ष्मी विकास बैंकसँग मर्जर) ले भाषा, साहित्यका क्षेत्रमा योगदान पुर्‍याउने साहित्यकारहरूलाई सम्मान गर्नुपर्छ भन्ने उद्देश्यका साथ २०५९ सालदेखि यो पुरस्कारको स्थापना गरेको प्रेषित विज्ञप्तिमा उल्लेख छ । 

विज्ञप्ति अनुसार यस वर्ष मातृभूमि साहित्य समाज, मकवानपुरको संयोजनमा साहित्यकार अर्याललाई उक्त पुरस्कार प्रदान गरिएको विज्ञप्तिमा जनाइएको छ ।