काठमाडौं । एएफसी यू–२० एसियन कप छनोटका निम्ति नेपाली राष्ट्रिय फुटबल टिमको घोषणा भएको छ ।

सोमबार नेपाली टिमका मुख्य प्रशिक्षक उर्जन श्रेष्ठले २३ सदस्यीय टोली सार्वजनिक गरेका हुन् ।

टिमबाट नेपालमै भएको साफ यू–२० च्याम्पियनसिप खेलेका मदन पौडेल, निङ्साङ लिम्बु, जनप्रकाश बम, हरिषराज भट्ट र रोहन खड्गी बाहिरिएका छन् ।

नयाँ टिममा अमित टमाटा, निर्मल बल, दीपक थापामगर, प्रशान्त लक्छम, धनसिंह विक र निमावाङ्गेल तामाङले स्थान बनाएका छन् ।

छनोटको समूह ‘बी’ मा नेपाल, चाइनिज ताइपेइ, उज्वेकिस्तान, बहराइन र कम्बोडिया छन् । यो समूहको खेल सेप्टेम्बर २१ देखि २९ सम्म चाइजिज ताइपेइमा हुनेछन् ।

नेपालले सेप्टेम्बर २१ मा कम्बोडियासँग खेल्दै प्रतियोगिताको सुरुआत गर्नेछ । यसैगरी नेपालले सेप्टेम्बर २३ मा घरेलु टोली चाइनिज ताइपेइ, २५ मा उज्वेकिस्तान र २७ मा बहराइनको सामना गर्नेछ ।

नेपाली टोली
गोलकिपर :  जियारथ शेख, क्रिशल मोक्तान, अमित टमाटा

रक्षक : सविन घिमिरे, अश्विन घोरासैनी, विक्रम तामाङ, निर्मल बल, राम थापा, सिमान्त थापा, आयुष तिम्सिना, दीपक थापामगर ।

मिडफिल्डरः : अभिनाश स्याङताङ, कुशल देउवा, लक्ष्छु थापा, सरोज दर्लामी, प्रशान्त लक्छम

फरवार्ड : अनिल बम्जन, धर्वेन्दर कुंवर, धनसिंह विक, निमावाङ्गेल तामाङ, नीरज कार्की, निराजन धामी, समीर तामाङ