काठमाडौं । काठमाडौं–कलिङ साहित्य महोत्सवको तेस्रो संस्करणमा पाँच कृति ‘यशस्वी बुक अवार्ड २०८१’ बाट पुरस्कृत भएका छन् ।

शनिबारदेखि ललितपुरमा जारी साहित्य महोत्सवमा पुरस्कृत कृतिहरूमा काव्यतर्फ देवव्रतको ‘अस्वत्थामाको निधारबाट बागमती बग्छ’,  आख्यानतर्फ मुना चौधरीको ‘लार’ कथासंग्रह, गैरआख्यानतर्फ मोमिला जोशीको ‘प्रश्नहरू त बाँकी नै रहन्छन्’ र अरुण गुप्तोको ‘संस्कृति चिन्तन’ (संयुक्त), अंग्रेजीतर्फ रोहिणी राणाको ‘द नेपाल कुक बुक’ र अनुसन्धानतर्फ यज्ञराज उपाध्यायको ‘काली कर्णालीको लोक साहित्य’ कृतिहरू रहेका छन् ।

पुरस्कृत कृतिका स्रष्टालाई जनही २० हजार रुपैयाँ राशिसहित सम्मानपत्र प्रदान गरिएको छ ।

दुईदिने महोत्सव आइतबार (भोलि)सम्म चल्नेछ ।