काठमाडौं । सिरियाको राजधानीको ग्रामीण इलाकाअन्तर्गत दमास्कस–बेरुत राजमार्गमा बुधबार कारलक्षित इजरायली आक्रमणमा चारजनाको मृत्यु भएको सिरियन अब्जरभेटरी फर ह्युमन राइट्सले जनाएको छ ।

बेलायतमा रहेको अनुगमन समूहले सिरियाली सरकारी सेनाको सुरक्षा चौकीनजिकै राजमार्गस्थित जबदानी ब्रिज आसपास विस्फोट भएको जनाएको छ । उक्त कारलाई इजरायलले निसाना बनाएको हुन सक्ने बताइएको छ ।

गाडी लेबनानतर्फ गइरहेका बेला उक्त घटना भएको ग्रामीण दमास्कसको अल–दिमास नगर परिषद्का प्रमुख अब्दु अल–ताकीले सिरिया सरकार समर्थक शाम एफएम रेडियोलाई बताए । विस्फोटका कारण गाडीमा आगो लागेको थियो । सिन्ह्वा/न्युज एजेन्सी नेपाल