site stats
बाह्रखरी :: Baahrakhari
खेल
Global Ime bankGlobal Ime bank
बार्सिलोनाको लगातार तेस्रो जित 

काठमाडौं । स्पेनिस ला लिगाको नयाँ सिजनमा क्याटालन क्लब बार्सिलोनाले आफ्नो अपराजित यात्रालाई तीन खेलसम्म कायम राखेको छ । बार्सिलोनाले ला लिगाअन्तर्गत मंगलबार राति भएको खेलमा रायो भालेकानोविरुद्ध २–१ को जित निकालेको हो ।

रायो भालेकानोको मैदान स्टाडियो डे भालेकाजमा भएको खेलमा बार्सिलोनालाई जित दिलाउन पेड्री र ड्यानी ओल्मोले गोल गरे । ओल्मो मंगलबार बिहानमात्रै बार्सिलोनाबाट ला लिगामा दर्ता भएका थिए । उनले बार्सिलोनाबाट डेब्यू खेलमै गोल गरेका हुन् ।

घरेलु टिमका उनाई लोपेजले गोल फर्काएका थिए । खेलको नवौँ मिनेटमा लोपेजले गोल गरेपछि भालेकानोले पहिलो हाफभर अग्रता बनाएको थियो । तर, ६०औँ मिनेटमा पेड्रीले गोल गर्दै बार्सिलोनालाई खेलमा फर्काए ।

यस्तै, खेलको निर्धारित समय सकिन आठ मिनेट बाँकी हुँदा ओल्मोले गोल गरेपछि बार्सिलोनाले लगातार तेस्रो खेलमा तीन अंक सुनिश्चित गरेको हो ।

जितसँगै तीन खेलबाट नौ अंक जोडेको बार्सिलोना तालिकाको शीर्ष स्थानमा कायमै छ । समान खेलबाट चार अंक जोडेको भालेकानो तालिकाको आठौँ स्थानमा छ ।

प्रकाशित मिति: बुधबार, भदौ १२, २०८१  ०९:१०
worldlinkworldlink
प्रतिक्रिया दिनुहोस्
MPG Admark South Asian UniversityMPG Admark South Asian University
Nepal Life Insurance banner adNepal Life Insurance banner ad
Ncell Side Bar LatestNcell Side Bar Latest
Bhatbhateni IslandBhatbhateni Island
सम्पादकीय
सरकारले तत्काल सम्बोधन गरोस् !
सरकारले तत्काल सम्बोधन गरोस् !
Hamro patroHamro patro