काठमाडौं । यही भदौ ११ गतेदेखि ‘नाडा अटो शो’ आयोजना गरिएको छ । काठमाडौंको भृकुटीमण्डपमा भदौ १६ गतेसम्म चल्ने शोमा ९५ कम्पनी तथा प्रदर्शकका १३० स्टल रहने आयोजक नाडा अटोमोबाइल्स एसोसिएसन अफ नेपालले जनाएको छ ।

नेपालमा उपलब्ध दुईपांग्रे सवारी ब्रान्डले शोमा आफ्ना पुराना र नयाँ सवारीसाधन प्रदर्शन गर्ने भएका छन् । १९ कम्पनीले करिब २० दुईपांग्रे सवारी ब्रान्ड प्रदर्शनीमा राख्नेछन् ।

यस्ता छन् ईभीसहितका दुईपांग्रे सवारी ब्रान्ड
अटो शोमा वैद्य इनर्जीले विद्युतीय स्कुटर ब्रान्ड एथर, नेबुला मोबिलिटीले गोगोरो, रिसी ट्रेड सेन्टरले जेहो, क्लासिक ह्विल्सको गारो र कुजु नेपालले याडिया स्कुटर प्रदर्शनीमा राख्नेछन् । यस्तै, इको इन्फिनिटीको निउ र स्यामुकापुको ईवान (ई१) विद्युतीय स्कुटर पनि प्रदर्शनीमा राखिनेछ ।

यसबाहेक हंसराज हुलासचन्द एन्ड कम्पनीको बजाज, सीजी मोटर्सको हिरो, एमएडब्ल्यू राइड्सको यमाहा, जगदम्बा मोटर्सको टीभीएस, अल्फा अटोमोटिभको रोयल इन्फिल्ड, केटीएम इन्टरनेसनलको बेनेली र लाइटिनिङ मोटर्सको बीएमडब्ल्यू प्रदर्शनीमा राखिनेछ ।

यसैगरी, रिसी ट्रेडको सीएफ मोटो, स्यामुकापुको जोनसोन बाइक पनि प्रदर्शनीमा रहने नाडाले जनाएको छ ।

डेल्टा अटोकोर्पको भेस्पा र अप्रिलिया तथा भीजी अटोमोबाइल्स र हंसराज हुलासचन्दका नयाँ दुईपांग्रे ब्रान्ड नाडा अटो शोमा सार्वजनिक गरिनेछ ।