काठमाडौं । हवाई दुर्घटनापछि गठित जाँचबुझ आयोगको प्रतिवेदन पूर्ण रूपमा कार्यान्वयन गर्ने सरकारले स्पष्ट पारेको छ ।

मन्त्रिपरिषद्का निर्णय सार्वजनिक गर्न बिहीबार सिंहदरबारमा आयोजित पत्रकार सम्मेलनमा सरकारका प्रवक्ता पृथ्वीसुब्बा गुरुङले यसअघिका जाँचबुझ आयोगका प्रतिवेदनबारे थाहा नै नहुने अवस्था देखिएको उल्लेख गरे । अब जाँचबुझ आयोगको प्रतिवेदन पूर्ण रूपमा कार्यान्वयन गरिने उनले प्रतिबद्धता जनाए ।

नेपालको हवाई क्षेत्रलाई सुरक्षित बनाउन जाँचबुझ आयोगको प्रतिवेदनका आधारमा आवश्यक नीतिगतलगायत विषयमा सुधार गरिने उनले बताए । नियमक निकायको कमजोरी देखिएकाले समस्या पहिल्याई अघि बढ्ने उनको भनाइ छ । हिमालयन टेली भ्वाइस