तेह्रथुम । कोसी प्रदेशका प्रशासन कार्यालयमध्ये तेह्रथुम उत्कुष्ट घोषित भएको छ । गृह मन्त्रालयले देशभरका प्रमुख जिल्ला अधिकारीसँग कार्यसम्पादन सम्झौता गरेअनुसार मूल्यांकनका आधारमा तेह्रथुम ९६ दशमलव आठ सय ७५ अंक प्राप्त गरी उत्कृष्ट ठहरिएको हो । 

जिल्लमा शान्ति, सुरक्षा र अपराध नियन्त्रण, सुशासन र सेवा प्रवाह, विपद् जोखिम न्यूनीकरण तथा व्यवस्थापन, विकास निर्माण अनुगमन र समन्वयका आधारमा तेह्रथुमले उक्त अंक पाएको प्रमुख जिल्ला अधिकारी मीना अर्यालले बताइन् । 

आर्थिक वर्ष २०७९/०८० मा ३७औँ स्थानमा रहेको तेह्रथुम आव २०८०/०८१ मा आठौँ स्थानमा उक्लिएको उनले बताइन् ।

कोसी प्रदेशको सोलुखुम्बु भने ७७ जिल्लाको सूचीमा दसौँ स्थानमा छ । यद्यपि, कोसी प्रदेशमा भने दोस्रो स्थानमा छ । धनकुटा ९५ दशमलव आठ सय ७५ अंक प्राप्त गर्दै कोसी प्रदेशमा तेस्रो भएको छ । रासस