काठमाडौं । धितोपत्र दोस्रो बजारमा कारोबार गर्नेको सम्पत्तिको मूल्य (कुल बजार पुँजीकरण) ४३ खर्ब ८० अर्ब ७७ करोड रुपैयाँ पार गरेको छ । यसअघि २०७८ साउन ३२ गते २१ अर्ब ६४ करोड रुपैयाँको सेयर कारोबार हुँदा ४४ खर्बभन्दा बढीको कुल बजार पुँजीकरण भएको थियो ।

मंगलबारको तुलनामा कुल बजार पुँजीकरण एक खर्ब एक अर्ब ९७ करोड रुपैयाँले बढेको छ । मंगलबार कुल बजार पुँजीकरण ४२ खर्ब ७८ अर्ब ७९ करोड रुपैयाँ कायम भएको थियो ।

आज पाँच करोड नौ लाख ६७ हजार ९५१ कित्ता सेयर खरिद–बिक्री भएको छ ।

नेप्से परिसूचक ६४.२५ अंकले बढेर २७६०.९० विन्दुमा बन्द भएको छ । यस दिन २१ खर्ब ९१ करोड १५ लाख रुपैयाँको सेयर कारोबार भएको छ ।