काठमाडौं । चलचित्र ‘के घर के डेराः घर नम्बर–२’को लाइनअप बलियो बन्ने देखिएको छ । निर्माणपक्षले चलचित्रका मुख्य तीन पुरुष पात्र अनुबन्ध गरिसकेको छ । 

चलचित्रमा आर्यन सिग्देल पनि अनुबन्ध भएका छन् । निर्माणपक्ष र आर्यनबीच लिखित सम्झौता भइसकेको छ । खगेन्द्र लामिछाने, निश्चल बस्नेत यसअघि नै फाइनल भइसकेका छन् । निर्माणपक्षका अनुसार, अब फिल्मका लागि मुख्य दुई नायिका फाइनल गर्न बाँकी छ ।

दीपेन्द्र के खनालको निर्देशनमा बन्न लागेको चलचित्रको छायांकन साउनको २५ गतेबाट सुरु हुँदैछ । 

चलचित्रको कथा बुद्धि सागरले लेखेका छन् । चलचित्रमा शरद श्रेष्ठ, किरण महर्जन र राजिव श्रेष्ठको लगानी छ । कार्यकारी निर्माता युवराज कार्की हुन् ।

सामाजिक कथावस्तुलाई रोचक तरिकाले चलचित्रमा प्रस्तुत गर्ने निर्देशक खनालले बताएका छन् ।