काठमाडौं । नेपाली कांग्रेसका प्रवक्ता प्रकाशशरण महतले कृषि क्षेत्रलाई उकास्न उत्पादनमा आधारित अनुदान दिनुपर्ने बताएका छन् ।

मंगलबार काठमाडौंमा आयोजित 'नेपालमा आर्थिक क्रान्ति सम्भावना र चुनौती' विषयक कार्यक्रममा महतले कागजमा देखाएर कृषिको अनुदान लिने गरेको पाइएको भन्दै उत्पादनमा आधारित अनुदान दिनुपर्ने बताए ।

उनले आन्तरिक उत्पादनलाई प्रोत्साहन गर्न आफूले अर्थमन्त्री हुँदा आलु–प्याजमा भ्याट लगाउँदा नबुझी विरोध गरिएको गुनासो गरे । महतले नयाँ प्रविधि भित्र्याउँदै उत्पादन बढाउने कृषकलाई प्रोत्साहन गर्नुपर्नेमा जोड दिए ।

उनले विज्ञतालाई पनि उपयोग गरेर उत्पादन गर्न सके निर्यात गर्न सक्ने अवस्थामा पुग्ने बताए ।

त्यस्तै, महतले नेपालको विशेषताका हिसाकले कृषिको आकारलाई वृहत् बनाउनुपर्ने बताए ।