site stats
बाह्रखरी :: Baahrakhari
राजनीति
Global Ime bankGlobal Ime bank
कांग्रेस–एमाले मिल्नु राजनीतिक प्रणालीको उपज : मुख्यमन्त्री कार्की 
फाइल तस्बिर ।

विराटनगर । कोसी प्रदेशका मुख्यमन्त्री हिक्मतकुमार कार्कीले कम्युनिस्ट आन्दोलन र समाज रूपान्तरणका निम्ति पुष्पलालको योगदान अतुलनीय रहेको बताएका छन् । पुष्पलाल स्मृति दिवसका अवसरमा सोमबार विराटनगरमा आयोजित कार्यक्रममा उनले यस्तो बताएका हुन् ।

वाम–लोकतान्त्रिक आन्दोलनमा पुष्पलालले खेलेको भूमिका र संघर्षका कारण राजनीतिक परिवर्तन भएको उनले उल्लेख गरे । “वामपन्थी पार्टी र प्रजातान्त्रिक पार्टी मिलेर निरंकुशता ढाल्नुपर्छ भन्ने विचार पुष्पलालको थियो र त्यही जगमा २०३६ सालको विद्यार्थी आन्दोलन उत्कर्षमा पुगेको हो,” उनले भने ।

०४६ साल र त्यसपछिका आन्दोलन वाम–लोकतान्त्रिक शक्तिको बलमा सफल भएको उनले बताए । “अहिले कांग्रेस र एमाले मिलेर सरकार बनाउने अवस्था राजनीतिक प्रणालीको उपज हो । परिवर्तनका लागि वामपन्थी र प्रजातान्त्रिक दल मिल्नुको विकल्प थिएन,” उनले भने ।

वामपन्थी नेता १०१ वर्षीय नरबहादुर लिम्बूलाई त्यस अवसरमा सम्मान गरिएको थियो । लिम्बूको परिवारका सदस्यले सम्मानपत्र ग्रहण गरे ।

प्रकाशित मिति: सोमबार, साउन ७, २०८१  १५:३४
worldlinkworldlink
प्रतिक्रिया दिनुहोस्
MPG Admark South Asian UniversityMPG Admark South Asian University
Nepal Life Insurance banner adNepal Life Insurance banner ad
Ncell Side Bar LatestNcell Side Bar Latest
Bhatbhateni IslandBhatbhateni Island
सम्पादकीय
खानेपानी त स्वच्छ होस् !
खानेपानी त स्वच्छ होस् !
Hamro patroHamro patro