मोहना नदीमा जलसतह सतर्कता तहमाथि, दिउँसोसम्म सुरक्षित स्थानमा बस्न आग्रह

देश

मोहना नदीमा जलसतह सतर्कता तहमाथि, दिउँसोसम्म सुरक्षित स्थानमा बस्न आग्रह

सोमबार, असार २४, २०८१

मोहना नदीमा जलसतह सतर्कता तहमाथि, दिउँसोसम्म सुरक्षित स्थानमा बस्न आग्रह

काठमाडौं । कैलालीको मोहना नदीमा जलसतहले सतर्कता तह पार गरेको छ । जिल्लाको मालाखेती जलमापन केन्द्रमा जलसतहले सतर्कता तह (३ मिटर) पार गरेको हो ।

जलसतह बढ्दो क्रममा रहेकाले नदी तटीय क्षेत्रमा रहनेहरूले साँझसम्म उच्च सतर्कता अपनाउनुपर्ने जल तथा मौसम विज्ञान विभागले जनाएको छ ।

पछिल्लो २४ घण्टामा कैलाली र कञ्चनपुर जिल्लाका अधिकांश स्थानमा अति भारी वर्षा मापन भएको छ । कञ्चनपुरको विभिन्न स्वचालित वर्षामापन केन्द्रहरूमा पछिल्लो २४ घण्टामा दोधारामा ५८८ मिलिमिटर, सुन्दरपुरमा ४०९ मिलिमिटर र हन्माननगरमा ५५८ मिलिमिटर वर्षा भएको छ ।

वर्षा भइरहेकाले कञ्चनपुरको बाढी र डुवान भइरहने स्थानमा रहनेहरूलाई दिउँसोसम्म सुरक्षित स्थानमा बस्न विभागले आग्रह गरेको छ ।