site stats
बाह्रखरी :: Baahrakhari
खेल
Global Ime bankGlobal Ime bank
कोपा अमेरिका : कोलम्बिया र ब्राजिल अन्तिम ८ मा 

काठमाडौं । समूह चरणको अन्तिम खेलमा कोलम्बियासँग १–१ को बराबरीमा रोकिएपछि ब्राजिल समूह उपविजेताको पमा कोपा अमेरिका–२०२४ को क्वार्टरफाइनलमा प्रवेश गरेको छ ।

बुधबार बिहान अमेरिकाको लेभिस रंगशालामा भएको खेलमा ब्राजिलले अग्रता जोगाउन नसक्दा अंक बाँडेको हो । खेलको १२औँ मिनेटमा राफिन्हाले गोल गर्दै ब्राजिललाई अग्रता दिलाएका थिए । तर, पहिलो हाफको इन्जुरी समयमा ड्यानियल मुनोजले गोल गर्दै कोलम्बियालाई खेलका फर्काएका थिए । यसपछि थप गोल हुन नसक्दा दुवै टिमले समान एक अंक बाँडेका हुन् ।

कोलम्बिया समूह ‘डी’को विजेता बन्दै क्वार्टरफाइनल प्रवेश गरेको हो । तालिकाको शीर्ष स्थानमा आसिन कोलम्बियाले तीन खेलबाट सात अंक जोडेको छ । समान खेलबाट पाँच अंक जोडेको ब्राजिल दोस्रो स्थानमा छ ।

यो समूहबाट कोस्टारिका र पराग्वे बाहिरिएका छन् । 

बुधबार नै भएको खेलमा पराग्वेविरुद्ध २–१ को जित निकाले पनि कोस्टारिका चार अंकसहित तालिकाको तेस्रो स्थानमा सीमित बन्यो । तालिकाको पुछारमा रहँदै प्रतियोगिता टुंग्याएको पराग्वे भने अंकविहीन रह्यो ।

कोलम्बियाले अब सेमिफाइनल प्रवेशका लागि पानामासँग खेल्नेछ । पानामा समूह ‘सी’को उपविजेताको रुपमा क्वार्टरफाइनल पुगेको हो । 

ब्राजिलले अन्तिम–८ मा उरुग्वेलाई प्रतिद्वन्दी पाएको छ । उरुग्वेले समूह ‘सी’को विजेता बन्दै क्वार्टरफाइनल यात्रा तय गरेको हो । 

प्रकाशित मिति: बुधबार, असार १९, २०८१  १०:११
worldlinkworldlink
प्रतिक्रिया दिनुहोस्
MPG Admark South Asian UniversityMPG Admark South Asian University
Nepal Life Insurance banner adNepal Life Insurance banner ad
Ncell Side Bar LatestNcell Side Bar Latest
Bhatbhateni IslandBhatbhateni Island
सम्पादकीय
सरकारले तत्काल सम्बोधन गरोस् !
सरकारले तत्काल सम्बोधन गरोस् !
Hamro patroHamro patro