काठमाडौं । राष्ट्रिय स्वतन्त्र पार्टी (रास्वपा)ले शुक्रबार आफ्नो दोस्रो स्थापना दिवस मनाइरहेको छ । सोही अवसरमा बनस्थलीस्थित पार्टी केन्द्रीय कार्यालयमा रास्वपाले आयोजना गरेको चियापान कार्यक्रम विभिन्न राजनीतिक दलका नेतादेखि कलाकारसम्म सहभागी भएका छन् । 

चियापान कार्यक्रममा प्रधानमन्त्री पुष्पकमल दाहाल प्रचण्ड, सभामुख देवराज घिमिरे, उपप्रधान एवम् परराष्ट्रमन्त्री नारायणकाजी श्रेष्ठ, पूर्वप्रधानमन्त्रीहरू शेरबहादुर देउवा, माधवकुमार नेपाल, झलनाथ खनाल र डा. बाबुराम भट्टराई, मन्त्रिपरिषद्का पूर्वअध्यक्ष खिलराज रेग्मी, लोसपा अध्यक्ष महन्थ ठाकुर, जनमत अध्यक्ष डा. सीके राउत, आम जनता पार्टी अध्यक्ष प्रभु साहलगायत विभिन्न राजनीतिक दलका नेता तथा सांसदहरू सहभागी भएका थिए । 

साथै काठमाडौंस्थित कूटनीतिक नियोगका प्रतिनिधि, नायक रमेश उप्रेती, कलाकार सन्दीप क्षेत्री पनि चियापान कार्यक्रममा सहभागी भएका छन् ।