![बजेटबाट माग सम्बोधन गर्न आग्रह गर्दै सहकारी पीडितले भने– नभए नेपालमा चुनाव हुँदैन](https://12khari.top/uploads/posts/Sahakari-Pidit-1716549045.jpg)
काठमाडौं । आन्दोलनमा उत्रिएका सहकारीका पीडित बचतकर्ताहरूले आगामी वर्षको बजेटमा आफूहरूका माग सम्बोधन गर्न आग्रह गरेका छन् । गएको वर्ष ६३ दिनसम्म रिले अनशनम बसेका सहकारीका बचतकर्ताहरूले आफूहरूका माग आगामी बजेटले सम्बोधन गर्नुपर्ने बताएका हुन् ।
आज माइतीघर मण्डलामा सहकारी बचतकर्ता संरक्षण राष्ट्रिय अभिययान (महासंघ)ले आयोजना गरेको प्रदर्शनका क्रममा उनीहरूले ठगीमा संलग्न सहकारी सञ्चालकलाई कडा कारबारही गरेर बचत फिर्ता गरिदिन माग पनि गरे ।
गत वर्ष सरकारले गरेका सम्झौता कार्यान्वयन नगरेको भन्दै उनीहरूले ती सम्झौता चाँडो कार्यान्वयन गर्नुपर्ने बताएका छन् ।
“जबसम्म सहकारी पीडितको पैसा पाइँदैन, नेपालमा आगामी चुनाव हुँदैन,” उनीहरूले नारामार्फत भनेका छन्, “सरकारसँग भएको सम्झौता कार्यान्वयन गर, जनताले औषधि खाने पैसा नभएर मर्न लागे, न्याय दे ।”
![Global Ime bank](https://baahrakhari.com/uploads/bigyaapan/30885600.gif)
शान्तिबाटिकामा पीडितहरूले रिले अनशनको कार्यक्रम आयोजना गर्ने महासंघका उपाध्यक्ष तथा प्रवक्ता पुरुषोत्तम कार्कीले बताए ।
उनका अनुसार अहिलेसम्म देशभरका ३५० सहकारीका पीडित महासंघमा जोडिएका छन् । उनले सरकारले पीडितको कुरा नसुने आन्दोलनले चर्काे रूप लिने पनि बताए ।
यस्ता छन् सहकारीका पीडित बचतकर्ताका नारा :
– फटाहा दलाल सहकारी सञ्चालक मुर्दावाद
– सहकारी बचतकर्ता संरक्षण राष्ट्रिय अभियान जिन्दावाद
– सरकारसँग भएको सम्झौता कार्यान्वयन गर
– सम्पूर्ण सहकारी पीडित बचतकर्तालाई न्याय दे
– जनता औषधि खाने पैसा नभएर गर्न लागे, न्याय दे
– देशैभरका सहकारी बचतकर्ता पीडित एक हौँ
– जबसम्म पीडितको पैसा पाइँदैन, नेपालमा चुनाव हुँदैन
– सहकारी सञ्चालकका मतियार होसियार
– सरकार पीडितलाई न्याय दे
– हाम्रो बचत फिर्ता गर
– बजेट भाषणमा हाम्रो भाग सम्बोधन गर