site stats
बाह्रखरी :: Baahrakhari
देश
Global Ime bankGlobal Ime bank
२० लाखभन्दा बढीको मकै, गहुँ र चिनीसहितको ट्रक नियन्त्रणमा

काठमाडौं । सुनसरीको कोसी गाउँपालिका–८ स्थित तीनकुने सीमाबाट सशस्त्र प्रहरीले करिब २० लाख २५ हजार रुपैयाँ बराबरको मकै, गहुँ र चिनीसहित एउटा ट्रकलाई नियन्त्रणमा लिएको छ ।

प्रस्तावित सीमा सुरक्षा गुल्म हरिपुरले वैशाख २९ गते नियन्त्रणमा लिएको ट्रकबाट आज चेकजाँच गर्ने क्रममा १८ बोरामा रहेको ९९० केजी मकै, ९५ बोरामा रहेको पाँचहजार २७९ केजी गहुँ र ५९५ बोरामा रहेको २९ हजार ७५० केजी चिनी बरामद गरिएको हो ।

बीआर ५० जी ९०५७ नम्बरको ट्रकलाई नियन्त्रणमा लिएर सेतुबन्ध भन्सार कार्यालय सुनसरीमा ल्याएर राखिएको थियो ।

नियन्त्रणमा लिइएको सामान र  ट्रकसहित ४५ लाख २५ हजार ८६० रुपैयाँ मूल्य कायम भएको छ   । बरामद सामान र ट्रक सेतुबन्ध भन्सार कार्यालय सुनसरीमा बुझाइएको सशस्त्रका सहप्रवक्ता डीएसपी शैलेन्द्र थापाले जानकारी दिए ।
 

प्रकाशित मिति: मंगलबार, जेठ १, २०८१  २०:५५
worldlinkworldlink
प्रतिक्रिया दिनुहोस्
MPG Admark South Asian UniversityMPG Admark South Asian University
Nepal Life Insurance banner adNepal Life Insurance banner ad
Ncell Side Bar LatestNcell Side Bar Latest
Bhatbhateni IslandBhatbhateni Island
सम्पादकीय
Hamro patroHamro patro