साहित्य
कमल पौडेलको गजल
नबोलाऊ न, त्यो मधुर आवाजको, आदत बन्ने डर लाग्छ
तिम्रो अनुपम प्रेमको, साधक बन्ने डर लाग्छ !
यो ब्रह्माण्डको सबैभन्दा सुन्दर सृष्टि तिम्रो मुस्कान,
त्यही मुस्कान नै, जीवनको बाधक बन्ने डर लाग्छ !
तिम्रा हर चालहरूमा निश्छल उमंग समेटिएका छन्,
ती चालहरू नै, दिलमा सजावट बन्ने डर लाग्छ !
स्पर्शको झंकारले म टुक्राटुक्रा हुन्छु,
परै बस, हाम्रा मनहरूको मिलावट बन्ने डर लाग्छ !
ज्योतिपुञ्जझैँ नयनहरूमा उज्याला किरण सजाएर,
नहेर मलाई, त्यही दृष्टिले नै, हताहत बन्ने डर लाग्छ !
(अर्जुनधारा, झापा ।)
प्रकाशित मिति: शनिबार, वैशाख ८, २०८१ ०८:२०
प्रतिक्रिया दिनुहोस्
सिफारिस
प्रवास
कार्टुन
भिडियो
विचार
अन्तर्वार्ता
-1749010126.jpg)
ब्लग
लोकप्रिय
