साहित्य
तीन छोटा कविता
सुरेश राई
१. बिदाइ
स्वीच अफ गर्न खोज्दा
मोबाइलले पनि त
एकफेर अनलक गरी माग्छ
म निभ्नुअघि
एक कसिलो अँगालो
एक अविस्मरणीय मुस्कान
एक भद्र शालीन चुम्बन
दिएर मलाई
अनलक गरेर पठाऊ ।
२. गल्ती
घुम समय उल्टो घुम
र लैजा मेरो विगतमा
मलाई यौटा कुरा गर्नु छ
ऊ राजी थिई यो अँगालोमा
मैले होस सम्हालेँ अन्तमा
एक गल्ती त्यहाँ छुटेको छ
त्यो गल्ती पूरा गर्नु छ
त्यो गल्ती पूरा गर्नु छ
घुम समय उल्टो घुम ।
३. बैगुनीको गीत
दश वर्ष काम गरेर जानेहरूको
दुर्गुण गाउँछ मालिक
काम गरेको दश दिन हुनेहरूको
गुणगान गाउँछ मालिक
जानेहरूको कुरा काट्नु
आउनेहरूको तारिफ गर्नु
सायद
उनीहरूको फेवरेट गीत हो !
प्रकाशित मिति: शनिबार, वैशाख ८, २०८१ ०६:२२
प्रतिक्रिया दिनुहोस्
सिफारिस
प्रवास
कार्टुन
भिडियो
विचार
अन्तर्वार्ता
-1749010126.jpg)
ब्लग
लोकप्रिय
