काठमाडौं । सशस्त्र प्रहरी बलले १५२ बोरा प्याजसहितको एक ट्रकलाई नियन्त्रणमा लिएको छ । धनुषाको सहिदनगर नगरपालिका–२ तीनकोरियाबाट ना८ख ६३०० नम्बरको ट्रक नियन्त्रणमा लिइएको हो ।

शंकास्पद कागजपत्रको आधारमा नियन्त्रणमा लिइएको प्याजको तीन लाख २७ हजार र ट्रकको २२ लाख मूल्यांकन गरी आवश्यक कारबाहीका लागि जनकपुर भन्सार कार्यालयमा पठाइएको छ ।

यसैगरी सोही गण मातहत बीओपी फूलगामाले बुधबार दिउँसो जिल्लाको मुसहरनिया गाउँपालिका–६ स्थित मरघटियाबाट भन्सार छली भारतबाट नेपालतर्फ ल्याउँदै गरेको ३२ थान मोबाइल बरामद गरेको छ ।

मोटरसाइकलमा ल्याउँदै गरेको मोबाइलको मूल्य पाँच लाख ३५ हजार र मोटरसाइकलको एक लाख मूल्य कायम गरी आवश्यक कारबाहीका लागि जनकपुर भन्सार कार्यालयमा बुझाइएको छ ।