काठमाडौं । उद्योग, वाणिज्य तथा आपूर्तिमन्त्री दामोदर भण्डारीले सरकार निजी क्षेत्रसँग समन्वय गरेर काम गर्न तयार रहेको बताएका छन् ।

मंगलबार नेपाल उद्योग परिसंघको २१औँ वार्षिक साधारण सभामा मन्त्री भण्डारीले उद्योग तथा वाणिज्य क्षेत्रमा देखिएको समस्या समाधान गर्न आफू तयार रहेको बताएका हुन् ।

मन्त्री भण्डारीले लगानी सम्मेलनलाई सफल पार्न सरकारले निजी क्षेत्रसँग सहकार्य गरेर सक्रिय भूमिका खेल्ने बताए ।

उनले देशमा रहेको स्रोत साधन प्रयोग गर्न अब ढिलाइ गर्न नहुने पनि बताए । सरकार र निजी क्षेत्र मिलेर देशमा देखिएको निराशालाई चिर्नुपर्ने बताए ।

उनले आयातलाई प्रतिस्थापन र निर्यात प्रवर्धन गरेर व्यापार घाटा घटाउन निजी क्षेत्रले खेलेको भूमिका महत्त्वपूर्ण रहेको समेत बताए ।