काठमाडौं । नेपाली बजारमा सुनचाँदीको मूल्य बढेको छ । नेपाल सुनचाँदी व्यवसायी महासंघका अनुसार सोमबार सुन तोलामा ७०० रुपैयाँ बढेको हो । 

आज छापावाल सुन तोलामा एक लाख ३७ हजार ५०० रुपैयाँमा कारोबार भइरहेको छ । अघिल्लो दिन उक्त सुन तोलामा एक लाख ३६ हजार ८०० रुपैयाँमा कारोबार भएको थियो । 

त्यस्तै, तेजाबी सुन तोलामा एक लाख ३६ हजार ८५० रुपैयाँमा कारोबार भइरहेको छ । 

चाँदीको मूल्य भने तोलामा १५ रुपैयाँ बढेको छ । यसदिन चाँदी तोलामा एक हजार ७१५ रुपैयाँमा कारोबार भइरहेको महासंघले जनाएको छ ।