काठमाडौं । २०६२/६३ को जनआन्दोलनमा साहित्यिक क्षेत्रको योगदान स्मरण गर्दै ‘स्रष्टा चैत्र ३०’ अभियानले यस वर्षको सम्मान कविहरू ज्ञानुवाकर पौडेल र लक्ष्मी मालीलाई प्रदान गरेको छ ।

गएको शुक्रबार काठमाडौंमा आयोजित कार्यक्रममा नेपाल प्रज्ञा–प्रतिष्ठानका पूर्वकुलपति वैरागी काइँलाले पौडेल र मालीलाई सम्मान प्रदान गरे । कवि काइँलाले स्रष्टाले सधैँ प्रतिपक्ष भएर रचनात्मक भूमिका निर्वाह गर्नुपर्नेमा जोड दिए । जनआन्दोलनको मर्म र भावनालाई राजनीतिक नेताहरूले आत्मसात् गर्नुपर्ने उनले बताए ।

विभिन्न स्रष्टा यसअघि उक्त सम्मानबाट सम्मानित भइसकेका छन् ।