काठमाडौं । मधेस प्रदेशका मुख्यमन्त्री सरोजकुमार यादवले नेपाल–भारतका जनताबीचको सम्बन्ध अतुलनीय रहेको बताएका छन् ।

नयाँ वर्षको अवसर पारेर जनकपुरधाममा आयोजित द्वितीय जनकपुरधाम सांस्कृतिक महोत्सवको उद्घाटन गर्दै उनले जनता–जनताबीचको अतुलनीय सम्बन्धकै कारण दुई देशको सम्बन्ध प्रगाढ रहेको उल्लेख गरे । नेपाल–भारतबीचको सम्बन्ध दुई देशको सरकारभन्दा पनि जनता–जनताबीच रहेको उनको भनाइ थियो ।

सीमा क्षेत्रमा सुरक्षा र राजस्वका नाममा केही वर्षयता सर्वसाधारणसँग सुरक्षाकर्मीबाट भइरहेको व्यवहारले दुई देशबीचको सदियौँ पुरानो सम्बन्धमा नै खलल पुर्‍याउने उनले बताए । उनले त्यसमा सुधार ल्याउन नेपाल र भारत दुवै सरकारसँग आग्रह गरे ।

महोत्सवअन्तर्गत साझा सांस्कृतिक कार्यक्रमको आयोजना समेत गरिएको छ । न्युज एजेन्सी नेपाल