![लुम्बिनीका मुख्यमन्त्री महराले विश्वासको मत](https://12khari.top/uploads/posts/JokhBahadur-Mahara-1712918473.jpg)
काठमाडौं । लुम्बिनी प्रदेशका मुख्यमन्त्री जोखबहादुर महराले प्रदेशसभामा विश्वासको मत पाएका छन् । शुक्रबार लुम्बिनी प्रदेशसभामा मुख्यमन्त्री महराले प्रस्तुत गरेको विश्वासको मतको प्रस्तावको पक्षमा ४८ मत र विपक्षमा २८ मत परेको हो ।
मुख्यमन्त्री महरालाई नेकपा (एमाले)का २९ जना, नेकपा (माओवादी केन्द्र)का १० जना, नागरिक उन्मुक्ति पार्टीका चारजना, जनता समाजवादी पार्टी (जसपा)का तीनजना, नेकपा (एकीकृत समाजवादी)का एकजना र स्वतन्त्र सांसद खड्क बस्नेतले विश्वासको मत दिएका हुन् ।
मुख्यमन्त्री महरालाई परेको ४८ मत कुल प्रदेशसभा सदस्यको बहुमत भएकाले विश्वासको मत स्वीकृत भएको लुम्बिनी प्रदेशका सभामुख तुलाराम घर्तीमगरले घोषणा गरे ।
महराको विपक्षमा नेपाली कांग्रेस र राष्ट्रिय जनमोर्चाले मत दिए ।
उनी चैत २३ मा मुख्यमन्त्री नियुक्त भएका थिए ।