काठमाडौं । नापोलीविरुद्ध दोस्रो लेगमा ३–१ को सहज जित निकाल्दै स्पेनिस क्लब बार्सिलोना चार वर्षपछि यूईएफए च्याम्पियन्स लिगको क्वार्टरफाइनलमा प्रवेश गरेको छ ।
मंगलबार राति भएको खेलमा इटालियन क्लब नापोलीलाई ३–१ ले पराजित गरेको बार्सिलोनाले समग्रमा ४–२ को जित निकाल्दै अन्तिम–८ मा स्थान बनाएको हो ।
बार्सिलोना चार वर्षपछि क्वार्टरफाइलनमा प्रवेश गरेको हो । यसअघि बार्सिलोनाले पछिल्लो पटक सन् २०२० को सिजन च्याम्पियन्स लिगको अन्तिम आठमा प्रतिस्पर्धा गरेको थियो ।
घरेलु मैदानमा सम्पन्न खेलमा बार्सिलोनालाई जित दिलाउन फेर्मिन लोपेज, जाओ कान्सेलो र रोबर्ट लेवान्डोवस्कीले गोल गरे । नापोलीका अमिर रहमानीले एक गोल फर्काएका थिए ।
घरेलु मैदानमा दुई मिनेटभित्र दुई गोल गरेपछि बार्सिलोनाले खेल नियन्त्रणमा राखेको थियो । १५औँ मिनेटमा फेर्मिन लोपेजले गोल गर्दै बार्सिलोनालाई अग्रतामा राखेका थिए ।
त्यसको दुई मिनेटपछि नै जोआओ कन्सेलोले गोल गरे । ३०औँ मिनेटमा नापोलीका अमिर रहमानीले गोल गरे पनि पाहुना टिम खेलमा फर्कन सकेन । यस्तै, ८३औँ मिनेटमा रोबर्ट लेवान्डोवस्कीले गोल गर्दै बार्सिलोनाको जित सुनिश्चित गरेका हुन् ।
