![आलोपालो हुँदा माओवादीसँग केही रहँदैन, त्यसैले राष्ट्रियसभा अध्यक्ष हाम्रै हुन्छ : जनार्दन शर्मा](https://12khari.top/uploads/posts/Janardan Sharma111657104763.jpg)
काठमाडौं । नेकपा (माओवादी केन्द्र)का सांसद जनार्दन शर्माले राष्ट्रियसभाको अध्यक्ष आफ्नै पार्टीबाट हुने दाबी गरेका छन् । सोमबार प्रतिनिधिसभा बैठकपछि सञ्चारकर्मीसँग कुराकानी गर्दै सांसद शर्माले राष्ट्रियसभाको ठूलो दलको हिसाबले अध्यक्षमा आफ्नो पार्टीको दाबी रहेको बताए ।
उनले हालसम्म गठबन्धन दलहरूका बीचमा अध्यक्ष पद कसलाई दिने भन्नेमा सहमति नभएको स्पष्ट पार्नुभयो । आगामी दिनमा सरकारको नेतृत्वमा आलोपालो हुँदा माओवादी केन्द्रसँग केही नहुने भन्दै राष्ट्रियसभा अध्यक्ष आफूहरूकै हुने उनकफ भनाइ छ ।
"राष्ट्रियसभाको सबभन्दा ठूलो दल हाम्रा हो । उसले दाबी नगरे कसले गर्छ ? संस्थागतरूपमा कसैको पनि सहमति भएको छैन । संस्थागत सहमति भएको छैन । ठूलो दलले दाबी नगरेमा कसले गर्ने ? भोलि सरकारको आलोपालो होला । त्यतिबेला हामी त संसद्मा पनि हुँदैनौँ । सरकारमा पनि हुँदैनौँ । सबैतिर शून्य हुन्छ । त्यो हाम्रै हुन्छ," उनले भने ।
सञ्चारकर्मीहरूको जिज्ञासाको जवाफ दिँदै उनले कांग्रेसले महासमिति बैठकबाट आगामी निर्वाचनमा गठबन्धन नगर्ने निर्णय गरेको बारेमा पार्टीको स्थायी समिति बैठकमा छलफल हुने बताए । उनले कांग्रेस महासमिति बैठकमा जनयुद्धलगायतका कतिपय विषयमा प्रश्न गरेका हुनाले त्यसमा आफूहरूको आपत्ति रहेको पनि बताए ।