काठमाडौं । सिटी एक्सप्रेस मनी ट्रान्सफरले काठमाडौंस्थित म्यारिएट होटेलमा ‘विदेशबाट सिटी पठाऔँ, पठाएकोभन्दा १० गुणा बढी पाऔँ’ योजनाको उपहार हस्तान्तरण कार्यक्रम सम्पन्न गरेको छ ।
‘विदेशबाट सिटी पठाऔं, पठाको भन्दा १० गुणा बढी पाऔँ’ योजनाअन्तर्गत मेगा बम्पर उपहार साउदी अरबबाट रेमिट्यान्स पठाउने राजु तामाङलाई पाँच लाख ३० हजार ७५० र कोरियाबाट रेमिट्यान्स पठाउने सुवास लिम्बूलाई एक लाख रुपैयाँ हस्तान्तरण गरिएको छ ।
उक्त कार्यक्रममा सिटी एक्सप्रेस मनी ट्रान्सफरका साझेदार साउदीस्थित टेलिमनी बैंकबाट फाहाद अब्दुल्लाह अल्जोवैद, नेपाली हास्य कलाकार साथै सिटी एक्स्प्रेस मनी ट्रान्सफरका ब्राण्ड एम्बेसडर जितु नेपालको उपस्थिति थियो ।
सिटी एक्सप्रेस मनी ट्रान्सफरले गत असोज १५ देखि मंसिर १५ गतेसम्म चल्ने गरी चाडपर्वलक्षित गर्दै आफ्ना ग्राहकसँग पर्वको खुसी साट्न लगातार ६१ दिनसम्म चल्ने उपहार योजना घोषणा गरेको थियो ।
![Global Ime bank](https://baahrakhari.com/uploads/bigyaapan/30885600.gif)
सोही योजनाअन्तर्गत लक्की ड्रमार्फत हरेक महिना एकजनालाई जनही एक लाख, हरेक हप्ता पाँचजनालाई जनही २५ हजार साथै हरेक दिन १०० जना विजेताहरूलाई जनही ५०० को वालेट टपअप र अन्त्यमा एकजना भाग्यशाली बम्पर विजेताले आफूले पठाएको रकमको १० गुणा बढी रकम पाउने योजना थियो ।