काठमाडौं । नेपाली कांग्रेसको महासमिति बैठकमा उपसभापति पूर्णबहादुर खड्काले नीति प्रतिवेदन पेस गरिरहेका छन् । तर, महासमिति सदस्यहरू भने हलमाभन्दा बाहिर ज्यादा देखिएका छन् । 

एउटा समूहले महासमिति सदस्यहरू र सदस्य नरहेकाहरूलाई हिन्दुराज्यका पक्षमा हस्ताक्षर गराइरहेको छ । हस्ताक्षरमा सहभागी गराउन हलबाहिर आमन्त्रण गर्ने काम त्यो समूहले गरिरहेको छ । हिन्दु राज्य अभियन्ता र समर्थक बाहेकका महासमिति सदस्यहरू पनि हलबाहिर नै घुमघाम र गफगाफमा व्यस्त छन् । 

उपसभापति खड्काले पेस गरेको लामो नीति प्रस्ताव पेस गर्ने काम भने जारी छ । जसमा पार्टीका प्रतिबद्धतासहित पार्टी सरकारमा जाँदा गर्ने कामलाई सरकारको नीति तथा कार्यक्रमकै शैलीमा प्रस्तुत गरिएको छ ।