काठमाडौं । नेकपा (एकीकृत समाजवादी)की राष्ट्रियसभा सदस्य राजेन्द्रलक्ष्मी गैरे सरकारले शान्ति प्रक्रियाको बाँकी काम छिटो टुंग्याउनुपर्ने बताएकी छन् । 

सोमबार राष्ट्रियसभाको बैठकमा बोल्दै उनले यस्तो बताएकी हुन् । उनले सरकारले शान्ति प्रक्रियाका बाँकी काम छिटोभन्दा छिटो टुंग्याएर समाजमा शान्ति स्थपना गर्नुपर्ने बताइन् । 

शान्ति प्रक्रियाका बाँकी काम टुंग्याउन ढिलाइ भइरहेको उनको भनाइ थियो । उनले इमान्दार भएर शान्ति प्रक्रियाका बाँकी काम टुंग्याउनसके समाजमा शान्ति स्थापना हुने बताइन् ।

उनले भनिन्, "यो काम हामीले छिटोभन्दा छिटो गर्नुपर्छ । गर्छु भनेको काम टुंग्याउनुपर्छ । हामी इमान्दार भएर टुंग्याउनुपर्छ । यो काम टुंग्याउन ढिलाइ भएको छ । शान्ति प्रक्रियाको बाँकी काम छिटो भन्दा छिटो सरकारले ल्याउनुपर्छ । समाजमा न्यायको स्थापना गर्नुपर्छ ।"

उनले शान्ति प्रक्रियाका बाँकी काम टुंग्याउन नसक्दा नागरिकहरूले न्यायको अनुभूति गर्न नसकेको बताइन् ।