काठमाडौं । वात्सल्य नेचुरल आईभीएफले आफ्नो ब्रान्ड एम्बेस्डरका रूपमा अभिनेत्री प्रियंका कार्की, अभिनेता आयुष्मान देशराज र उनीहरूकी छोरी आयांकालाई नियुक्त गरेको छ । वात्सल्यको नारायणचौरस्थित क्लिनिकमै आयोजित कार्यक्रममा दुवै पक्षबाट सम्झौतापत्रमा हस्ताक्षर गरियो ।

सम्झौताबमोजिम प्रियंका, आयुष्मान र आयांकाले निःसन्तानसँग सम्बन्धित विषयमा चेतना फैलाउनेछन् । सो उपचारमा पहुँच बढाउने कार्यमा उनीहरू संलग्न रहनेछन् ।

वात्सल्यका संस्थापक एवं प्रबन्ध निर्देशक प्रशान्त सुवेदीले ब्रान्ड एम्बेस्डरका रूपमा तीनैजनालाई लिन पाउँदा खुसी व्यक्त गरे । निःसन्तानसम्बन्धी कुण्ठालाई थप प्रभावकारी रूपमा चेतना फैलाउन सक्नेमा आफू आशावादी रहेको उनले बताए ।

बदलिँदो जीवनशैली र खानपानले गर्दा सन्तान प्राप्तिको चुनौती थपिँदै गएको अभिनेत्री कार्कीले बताइन् । सन्तान नहुनुमा आफू वा आफ्नो जीवनसाथीलाई दोषी ठहर्‍याउनुभन्दा उपचार गराउनु जाती हुन्छ भन्ने सकारात्मक सन्देश फैलाउने भूमिका पाउँदा आफूहरू उत्साहित भएकोे उनले उल्लेख गरिन् ।

आफ्नो परिवार पूर्ण बनाउन आधुनिक आईभीएफ उपचारको निर्णय जटिल तर बुझ्दै जाँदा यो प्रविधि लाभकारी नै रहेको आफूहरूले थाहा पाएको अभिनेता जोशीले बताए । आफूले बुझेको तथ्य प्रभावकारी रूपमा सबैमाझ राख्दै जाने उनको भनाइ छ ।

वात्सल्य आईभीएफले आईभीएफका साथै आईयूआई, ओभुलेसन इन्डक्सन, फर्टिलिटी फ्रिजिङ, प्रसूतिपूर्वको सम्पूर्ण जाँचलगायत प्रजनन्सम्बन्धी विभिन्न आधुनिक सेवा प्रदान गर्दै आएको छ । कम्पनीले उच्च आईभीएफ सफलता दरका साथ नेपालमा आधुनिक प्रजनन् चिकित्साको प्रवर्द्धन, विकास र प्रयोगमा टेवा पुर्‍याउँदै आएको जनाएको छ ।